أحمد سعد يكشف السبب الحقيقي لانفصاله عن سمية الخشاب: «اتخدعت فيها» (فيديو)

0 تعليق 37 ارسل طباعة تبليغ

اشترك لتصلك أهم الأخبار

حل الفنان أحمد سعد، ضيفًا على برنامج «شيخ الحارة» الذي تقدمه الإعلامية بسمة وهبة، الخميس، عبر فضائية «القاهرة والناس».

Sponsored Links

وفي أول تعليق له عن انفصاله من الفنانة سمية الخشاب، قال أحمد سعد: «الست اللى تتجوز راجل ولو يوم واحد، وتطلع تتكلم عليه تبقى مش تمام».

وأضاف: «أنا مش طالع علشان أفضح حد، طالع أوضّح لجمهوري وجهة نظري».

وعن الأسباب الحقيقية للانفصال، قال «سعد»: «أنا طلقتها غيابي، وهي طالعة بتقول إن هي كانت رافعة عليّا قضية طلاق، ده مش حقيقي، أنا عمري ما أوافق ما أعيش مع واحدة رافعة عليّا قضية طلاق».

وتابع: «كان في بينا مشاكل، أنا اتخدعت فيها، وهي مكنتش تعرف إني هطلقها».

وعندما سألتهُ الإعلامية بسمة وهبة عن سبب الطلاق، قال: «أنا آمنت لها بكل ما أملك، كنت محتاج ست تنظم لي حياتي، أنا كنت راجل (مهرجل)، بشتغل كويس وبكسب كويس، لكن مضيّع كل فلوسي، أول ما شفتها قولتلها ده، وآمنتها على فلوسي وحاجتي».

صمت «سعد» للحظات، ثم أكمل: «أنا كنت بروح اشتغل كل يوم بالليل في المحافظات، وأديلها الفلوس تشيلهالي، لحد ما جت يوم قالتلي (لازم تشتري بيت ملك)، قلت لها اكتبي البيت باسمك، ولما أقولك تنقلي الملكية انقليهالي، أهلي كانوا فرحانين أن بقى عندي مكان ملك».

وأضاف: «سمية كانت بتنظم لي حياتي، لكن لما جيت طلبت منها نقل ملكية البيت، رفضت، قالت لي (أديك حقها)، وفي الآخر أدتني شيك بربع المبلغ».

------------------------
الخبر : أحمد سعد يكشف السبب الحقيقي لانفصاله عن سمية الخشاب: «اتخدعت فيها» (فيديو) .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : المصرى اليوم

0 تعليق