«خناقة على الهواء» بين أحمد موسى وخالد صلاح بسبب خالد يوسف

0 تعليق 146 ارسل طباعة تبليغ

وجه الإعلامي أحمد موسي، تهديد على الهواء، للإعلامي خالد صلاح، وموقع «اليوم السابع» الذي يرأس تحريره، عقب انتقادهم له بسبب نشره صور فضائح للنائب البرلماني خالد يوسف.

وقال «موسي»، ببرنامج «على مسئوليتي»، على قناة «صدى البلد»، الثلاثاء: «لو فتحتوا النار هفتح، أحمد موسي محدش معلم عليه، والناس اللى بتدعي الشرف يعرفوا حدودهم، أنا عندي أسرار بتفاصيل من زمان سهل أوي أطلعها تكفيني لأسبوع كامل».

Sponsored Links

وأردف مخاطبًا «صلاح»: «إحنا ملناش مصالح مع حد، وكل الحودايت ممكن تطلع، ولو فتحت هاعور ناس كتير ومش هعملها إلا لما اضطر وهقلب الترابيزة على الكل واللى مشغلهم».

وتابع موجهًا كلامه لخالد صلاح: «أرجوكم أهدوا شوية، عشان ممكن تدفعوا الثمن غالي، لو ببتكلموا عن الشرف الأول شوفوا موقعكم الاول».

بينما انتقد الإعلامي خالد صلاح زميله أحمد موسى، ووصف أداءه بأنه «منحط ومتدني».

وقال «صلاح»، في برنامجه «آخر النهار»، مساء الثلاثاء: «افتكر يا موسى إنك جيت وعيّطت عشان نخرجك من مشكلتك مع أسامة الغزالي حرب، أرجع لعقلك وأسكت شوية».

وأضاف: «افتكر كمان إننا ما نشرناش ولا قفا من اللي بتاخدهم لحد دلوقتي»، ثم نصحه بأن: «أكبر.. وعد إلى الحق».

------------------------
الخبر : «خناقة على الهواء» بين أحمد موسى وخالد صلاح بسبب خالد يوسف .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : المصرى اليوم - اخبار عاجلة

0 تعليق