اسرار الاسبوع | صحفية إيطالية تفجر مفاجأة وتنشر الفيديو الكامل لحوار ريجيني

0 تعليق 29 ارسل طباعة تبليغ

اسرار الاسبوع .. كتب : بوابة القاهرة
فجرت صحيفة «كورييري ديلا سيرا» الإيطالية، مفاجأة ونشرت مقطع الفيديو الكامل لحوار الطالب الإيطالي المقتول في مصر، جوليو ريجيني، مع ممثل الباعة الجائلين.
كما أوضح المقطع الذي نشرته الصحيفة، اليوم الإثنين، أجزاء من الحوار تم حذفها في الحوار المنشور على التليفزيون الرسمي.

وجاء نص الحوار:

ممثل الباعة الجائلين: أنت يا ابني مش لسه قايل ممكن؟
ريجيني: ماعنديش أي سلطة في البرنامج في بريطانيا، معرفش الناس داخل المؤسسة، هكتب رسالة بريد عايزين الفلوس دلوقتي عشان 25 يناير بعد أسبوعين؟ مش ممكن ده مش مهني بالنسبالي.
ممثل الباعة: طب بعيد عنهم لوحدينا؟
ريجيني: أنا دلوقتي ماعنديش سلطة، أنا بعمل بحث وعايز أبحث على المشروع ده، المهم بالنسبالي عايز أنتم نقابة الباعة الجائلين تاخدوا فلوس بصورة رسمية زي ما بيقول المشروع، ومش عايز حاجة تاني، أنا عايز أفكار.
ممثل الباعة: مش فاهمني، هل هنستخدم الفلوس في مشاريع باكيات وحاجات؟ ولا مشاريع الحرية؟

ريجيني: الحاجة السياسية صعبة في الحالة دي،  بس لو عندنا أفكار لازم نحصل على المعلومات قبل مارس.

Sponsored Links
ثم جاء نص الحوار المذاع عبر التليفزيون المصري:

وفى هذا الجزء، يطلب البائع من ريجيني مساعدته لأن زوجته مريضة وتعالج من مرض السرطان، وهو على استعداد أن يفعل أي شئ من أجل الحصول على الفلوس".

في حين رد الباحث "ريجيني" على الشخص أنه لا يستطيع توزيع الأموال بصورة شخصية على البائعين، وقال "الفلوس مش فلوسي" عشان دي مشكلة كبيرة بالنسبة للبريطانيين، وأشار: توزيع الفلوس لمساعدة البائعين تأتي من خلال المؤسسة في بريطانية إلى المركز المصري والمركز هو من يقوم بتوزيع الأموال على البائعين".

وعاود الشخص إلحاحه في طلب الأموال من "ريجيني"، قائلا: أنا حاسس ان المركز المصري هايضحك علينا وميدناش حاجة وحاول انت تظبطها لي" ليرد ريجيني عليه: بالنسبة الأمر صعب أنا مش عارف إزاي أساعدك أنا أسف ، معنديش سلطة على المركز المصري لتوصيل الأموال لكم بسرعة".

وسأل البائع، عن المعلومات المطلوب جمعها أكد ريجيني: " المعلومات المطلوبة هي إيه المهم بالنسبة لك في النقابة، انت عاوز ايه من النقابة، تحتاج النقابة إيه من الدعم؟".
ثم جاء جزء آخر محذوف في مقطع التليفزيون المصري:
ممثل الباعة: عشان بنتي عاملة عملية وعايزة تانية فمحتاج الفلوس.
ريجيني: أنا آسف دي حاجة تانية، بس أنا مش عارف عن الموضوع ده بالنسبة للفلوس، والفلوس ممكن تيجي بعد مارس مش دلوقتي، ومش ممكن نستخدم فلوس تاني قبل الحصول على فلوس المؤسسة البريطانية.

ض. م

شاهد الفيديو الكامل 


شاهد فيديو التلفزيون المصري

------------------------
الخبر : اسرار الاسبوع | صحفية إيطالية تفجر مفاجأة وتنشر الفيديو الكامل لحوار ريجيني .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : كايروبورتال

0 تعليق