يا طوبة حمرا - غناء وتلحين الفنان احمد اسماعيل - تصوير "اسرار الاسبوع"

1 تعليق 1 ألف ارسل طباعة تبليغ

احمد اسماعيل - الفنان الرائع والعذب صوتا ولحنا ، تشرفت جريدة اسرار الاسبوع بحضور الامسية الادبية التى اقيمت فى عروس البحر / مدينة الاسكندرية ، استمعنا واستمتعنا بصوت الفنان احمد اسماعيل فى اربع اغنيات منها أغنية "يا طوبة حمرا" وأغنية "شاعر أغانى" للشاعر محمد جاد الرب وألحان حسن الموجى وقال عنها أحمد اسماعيل: "الحقيقة هية أغنية فى غاية الأهمية وماتسمعتش واتحاصرت من البداية واتوأدت من البداية ، ويمكن لحسن حظى انى انا الوحيد اللى مازلت على قيد الحياة احفظ هذه التجربة بالكامل " .

وسوف يتم نشرهذه الأغانى تباعا على "اسرار الاسبوع" .

Sponsored Links

يا طوبه حمرا وطوبه خضرا وطوبه
البنا يضرب فيها بالموال
خليكِ لولاد الشقا مخطوبه
أغنى غنى اللى ماله غيرك مال
مهر العرايس كل يوم جاى لك
والليل يجيب الشمس ويخايلك
وكل من شافك صبح شايلك
أمنيه من رب العباد مطلوبه
يجعل حمولك زينة الحمال
يا طوبه حمرا وطوبه خضرا وطوبه.

ما تنخدعشى يا زمن احنا
الطيبه تنطق فى ملامحنا
لكن خفاف ، الله يسامحنا
ياما افتكرنا الطيّبه معطوبه
ياما لعبنا وياما كنا عيال
يا طوبه حمرا وطوبه خضرا وطوبه.

عينى على الأرض اللى حبتها
واللى توانى سقفها وبيتها
وحكيت عن الأبطال فى غابتها
يا قمح مصر ويا سمار النوبه
ياما حتحبى بعدنا أبطال
يا طوبه حمرا وطوبه خضرا وطوبه.

زى اللى خدته من الشهيد أدى
الفرض دايم وانت بتؤدى
اعشق بلادك يا ضنا قدى
ياما ليالى ع الجبين مكتوبه
ما احناش يا ولدى آخر الأجيال
يا طوبه حمرا وطوبه خضرا وطوبه.

1 تعليق