اسرار النجوم

أحدث الأخبار | ريم البارودي عن سمية الخشاب: مش تربيتي ولا تعليمي عشان أصاحبها

قالت الفنانة ريم البارودي، إنها قامت بحذف صورها مع زوجها السابق الفنان أحمد سعد، من على حسابها بموقع «انستجرام»، استجابةً لمتابعيها، ولكونه متزوج حاليًا من الفنانة سُمية الخشاب، مستكملةً: «مسحتها عشان مايصحش يعني.. لكنها عمرها ما هتتمسح من جوجل».

أضافت البارودي، خلال حوارها ببرنامج «تفاعلكم»، عبر فضائية «العربية»، مع الإعلامية سارة دندراوي، أنها لم تقُل مسبقًا إنها صديقة لـ«سُمية»، موضحةً: «أنا ماقولتش كده خالص لأن لا سنًا ولا تعليمًا ولا تربيةً ولا أي حاجة تجمعنا عشان نبقى صحاب».

Sponsored Links

تابعت: «أنا اشتغلت مع سُمية في مسلسل واحد بس وهو (حدائق الشيطان)، وأنا مش محتاجة شُهرة، ولا محتاجة إني أقول إني صاحبتها لأنها اسم مش كبير، لكن عندي أسامي تانية كبيرة جدًا أصدقائي، مش محتاجة خالص ادعي صداقتها».

واصلت: «لازم الصحاب يكونوا متقاربين في كل حاجة، لكن معلش يعني دي مادخلتش المدارس اللي أنا دخلتها، ومش نفس الكلية، ومش نفس الطريقة، وأنا صاحبتي لازم تبقى شبهي».

استكملت: «سُمية مش نجمة خالص، السوق اللي بيحكم ويقول مين نجم ومين مش نجم، النجومية هي إنك تحافظي عليها زي عادل إمام وعمرو دياب ومنى زكي وغادة عبد الرازق، النجومية مش لقب، النجومية مسئولية، وأنا عمري ما قولت على نفسي نجمة الناس هي اللي بتقول».

وكانت الفنانة سمية الخشاب، ذكرت في لقاء تلفزيوني مؤخرًا، ببرنامج «أنا وأنا»، عبر فضائية «On e»، أنها لم تجمعها صداقة بالفنانة ريم البارودي قبل زواجها بالفنان أحمد سعد، مضيفةً: «عمري ما كنت صاحبة وصديقة لحد في الوسط الفني، لم أكن صديقة ريم أبدًا، ولما تزوجت أحمد سعد طلعنا على الهواء والمأذون بيكتب الكتاب منعًا لللغط، وأنا مخدتش واحد من مراته».

------------------------
الخبر : أحدث الأخبار | ريم البارودي عن سمية الخشاب: مش تربيتي ولا تعليمي عشان أصاحبها .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : التحرير الإخبـاري

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا