أخبار عاجلة
فقدان 8 أشخاص اثر انهيار منجم للفحم شمال الصين -

"غير حياتك" مع رضوى إبراهيم ... الحلقة السابعة والعشرون - كام مره حكمت أو إتحكم عليك غلط؟!

"غير حياتك" مع رضوى إبراهيم ... الحلقة السابعة والعشرون - كام مره حكمت أو إتحكم عليك غلط؟!
"غير حياتك" مع رضوى إبراهيم ... الحلقة السابعة والعشرون  - كام مره حكمت أو إتحكم عليك غلط؟!
Sponsored Links

  في الحلقة اللي فاتت كانت مصارحة حرة .... جاوبت فيها عن معظم أسألتكم ...باقي على إنتهاء المرحلة الأولى من غير حياتك كام حلقة ونخش على مرحلة تانية مهمة جدا في حياتنا ....
المهم حلقتنا النهاردة عنوانها كام مرة حكمت أو إتحكم عليك غلط ؟!
كلنا عندنا عيوب وكلنا عندنا مرض نفسي من جوانا ممكن يتحل لو كنا صرحه مع نفسنا بجد وكل واحد فينا وقف وقفة بجد مع نفسه وكان صريح جدا ومكبرش ومعاندش ... وحَط قدام عينه كذا حقيقة حتي لو مره :
* كلنا مرضى نفسيين وسهل علاجنا بمواجهة ومصارحة نفسنا بجد
*المرض النفسي مش دلع ... كام مرة روحت أو حد جالك وقولت أو إتقالك أنا تعبان وقولت أو أتقالك بطل دلع ... الإحساس الداخلي بالخنقة أو بتعب النفسية أو بخلل معين عمره ما كان دلع 
*مش عيب إن حد يقول أنا تعبان وعندي مرض نفسي أو عيب ولازم يتعالج ويتغير

 

نخش بقى في تفاصيل حلقة النهاردة :
أول مرض نفسي عند العرب عموما والمصرين خصوصا هو إصدار الأحكام السريعة علي الغير ... وتكليف النفس بأنها حكم شرعي على الغير ...

Sponsored Links


كام مرة إتحكم وأو حكمت على حد إنه إنسان فاسق وهيخش نار جهنم حدف زي مثلا ...
* البنت دي مش كويسة شوف لبسها عامل إزاي ! 
* دى ماشيه مشي مش كويس !
* الناس دي متطفلة !
* الراجل دا ديوس !
* الست دي مدوارها !
* الراجل دا مش محترم !
* الناس دي ملحدة !
*الناس دي بتدلع !
* تلاقيهم جايبين فلوسهم بطريقة شمال !
* الناس دى بتدعى الفقر و تلاقيهم معكمين على قلبهم قد كده !
* يا أخي حرام عليك الفسق ده أرجع لدينك !
* هي البنت دي متجوزتش لحد دلوقتي ليه ... أه تلاقيها بنت مش كويسة وسمعتها زفت علشان كدا أتوقف حالها !
* و أنا اتجوزها ليه - تلاقيها زى ما مشيت معايا مشيت مع غيرى !
* هي الوليه دي مش هتتهد بقي عمالة تتجوز واحد ورا التاني .... يا وليه إتهدي إيه مش رحمه نفسك !
* الراجل دا متجوزش لحد دلوقتي ليه ؟... ويتجوز ليه تلاقيه مقضيها !
* الست دي إطلقت ليه ؟ تلاقي طليقها شاف عليها حاجه مش ولا بد!
* شوف الراجل ومراته ممشين بنتهم بالبنطلون والبدي عامل إزاي ... ناس عرر إتمسكوا في الدنيا علي حساب الاخرة !
* شوف الراجل والست ملبسين بنتهم اللي لسة مبلغتش النقاب إزاي ... تلاقيهم أخوان !
* شوفت الراجل الملتحي ده ... أكيد متعصب !
* شوفت الراجل لابس قميص لونه إيه ... ياأخي إحترم سنك !
* شوفت الراجل بيقول إنتوا ليه بتفتوا في الدين واللي أنتم بتتكلموا فيه ده مش دين ... دا أكيد ملحد !

ممكن إنت أو غيرك بتصدروا أحكام غريبة على غيركم وكأن الله مكلفكوا بده ... مع إن ربنا مجعلش حد وكيل علي حد ...
خلي بالك كل واحد فينا حياته متقسمة لتلت أقسام .... الحياة العامة أو الظاهرة لعامة الناس ... والحياة الخاصة اللي يعرفها المقربون فقط ... والأوضة الضلمة اللي محدش يعرفها غيرك لكن من كتر أصدارك الأحكام علي غيرك ممكن أوضتك الضلمة تنور وكل حاجة فيها تنكشف وبسهولة ... محدش فينا معصوم من الغلط ...

قريت كام حاجة عجبوني جدا :
" إن سمعت رجل دين أو شخص  يتحدث عن الدين ... وبعد إنتهاء كلامه شعرت بكره أو حقد على فئة ما... أو شخص ما ... فأعلم إن هذا الرجل يريد أن يأخذك معه إلى جهنم ... فرجل الدين المؤمن الصادق يزرع في قلبك المحبة والمودة وليس الكره والحقد... "
" كان لأبي حنيفة جار سكير فاسد ، نصحه حتى تعب من كثر نصحه ... فتركه ... وذات يوم طرق الباب زوجة السكير تدعو أبا حنيفة للصلاه على زوجها السكير بعد موته ... فرفض ! ... وفي منامه جاءه السكير وهو يتمشى في بساتين الجنة ويقول ... قولوا لأبو حنيفه : الحمدلله أن لم تجعل الجنه بيده ! ولما أفا ق سأل زوجته عن حاله ... فقالت : هو ما تعرفه عنه غير إنه كان في كل يوم جمعه يطعم أيتام الحي ، ويمسح على رؤوسهم ويبكي ويقول إدعو لعمكم ، فلعلها كانت دعوة أحدهم 
فندم أبو حنيفة أشد الندم ! "
" لاتسبو الناس دون دراية ولا تحتقتروا أحد .... فانما نحيا بستر الله ولو كشف الله عنا ستره لفضحنا...
ولا تغترو بكثره صيام أو صلاة فلا تدري من يكون عند الله أقرب "


بلاش نعيب على غيرنا من معصية أو مرض أو سوء حال أو فشل  
محدش فينا من غير  مرض نفسي أو مشاكل أو عقد...
من الأخر محدش فينا خالي من الحاجة وعكسها....
ومحدش فينا عارف مين هيدخل الجنة ولا النار ...
ومتشغلش بالك بالناس سواء أصدراك أحكام عليهم أو أصدارهم أحكام عليك 
والأهم ... حتي لو الناس شافت خنقتك دي دلع ... أقف مع نفسك و رجعها ليك أوعى تسند أو تتأثر بحيطه الناس المايله لإنك مش هينوبك منها غير الوقوع 
فكر في كلامي لحد ما شوفك الحلقة الجاية

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

معلومات الكاتب