أخبار عاجلة

"غير حياتك" مع رضوى إبراهيم ... الحلقه الثامنة والعشرون- على وضعك يانجم

"غير حياتك" مع رضوى إبراهيم ... الحلقه الثامنة والعشرون- على وضعك يانجم
"غير حياتك" مع رضوى إبراهيم ... الحلقه الثامنة والعشرون- على وضعك يانجم
Sponsored Links

حلقة "غير حياتك" النهاردة هي الحلقة الفاصلة بين اللي عدى من حلقات غير حياتك وبين اللي جاي.... الحلقه النهاردة عن مستوى الثبات الإنفعالي عندك  أو بمعني أوضح الغضب ودرجته جواك
ركز معايا علشان نشوف غضبك ودرجة إنفعالك شكلها إيه ... لأن درجة ثباتك وغضبك هما اللي بيحددوا مستقبلك وعلاقاتك مع اللي حواليك
في الأول عايزاك تسأل نفسك..
- إنت عصبي ؟!
- بتغضب بسرعه وعلي أتفه الأسباب؟!
- بتخسر ناس بسبب غضبك وعصبيتك؟!
- غضبك بيوصل لحدوث خساير؟!
- جربت في مرة تمسك أعصابك؟! وياترى قدرت؟!
- جربت في مرة تقعد مع نفسك تراجعها بخصوص موضوع الغضب دا ؟! وياترى وصلت لحل ولا لأ؟!
- ندمت علي موقف حصل في حياتك وكان رد فعلك كله  غضب وخسرك كتير؟!
بعد ما تسأل نفسك الأسئلة اللي فاتت ... وتجاوب بكل صراحة ... عايزه أعرفك ... أن الغضب وعدم وجود ثبات إنفعالي لدى الإنسان بيقفل التفكير الطبيعي والمنطقي عنده بنسبه تفوق ال 70 في المية... مش الإنسان لما بيغضب ممكن يصور قتيل؟!
أغلب جرايم القتل بتحصل في لحظة غضب ... هي لحظة لكن لحظة مدمرة ... مميتة ... ممكن تقضي علي مستقبل أي إنسان 
الغضب بيخليك تفقد السيطرة علي نفسك وتفكيرك وهدؤك ... في لحظة الغضب بتطلق العنان للا وعي الغير منطقي جواك ... أنا بسميه التفكير الشرير جواك ... طبعا كل واحد فينا جواه الخير والشر ... الهدوء والعصبية ... العقل والجنان ... والمفروض دايما يظهر الجانب الكويس اللى جوانا .... حتى تأتي لحظة الغضب جوانا مع وجود عدم ثبات إنفعالي وعدم تحكم  داخلي بتتقلب الموازين ... الشر والعصبية والجنان هما بيبقوا سيد الموقف المتمثلين ( ظاهريا) فيك !
وتفوق علي وجود كارثه حصله أقلها تعبك ... دا لو موصلكش الغضب لخسارة أشخاص ليك ... أو لتلف أشياء حواليك إنت كسرتها أثناء غضبك أو توصل والعياذ بالله للقتل
نرجع لموضوع أن الغضب بيوصل لتعبك تعب عضوى ... الغضب بدايته إنفعال شديد ... الإنفعال دا بيدي إشارة للمخ بخروج طاقة جسمك... حتى تلاحظ إن الإنسان هو غاضب بتكون قوته عشر أضعاف عن قوته الطبيعية ... لما طاقة الإنسان بتخرج بالشكل دا ... دا بيتسمى إهدار للطاقة ...لما الطاقة بتتهدر بتنتهي بأعراض جسمانية وأمراض زي ضغط الدم والسكر والقلب والنسيان وقلة النوم والصداع المزمن وبالتالي هتخلي الإنسان مش عارف يستمتع بحياته ... ما هو خلاص بقى سكند هاند .... وممكن الغضب يوصل لسكتات قلبية يعني موت علشان لو مش فاهم !
علي بال ما تقرا كلامي وتقلبه كويس في مخك ... أشوفك الحلقة الجاية ... لكن تجيلي مستعد علشان هنبدأ نتدرب إزاي نتحكم في غضبنا ويكون عندنا الكائن الجميل اللي اسمه ثبات أنفعالي... إتفقنا؟! يبقي على وضعك يا نجم    

 
Sponsored Links

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

معلومات الكاتب