أخبار عاجلة
مهما كانت العقبات فلا بديل للسلام ! -
أموال البترول المنهوبة -

"غير حياتك" مع رضوى إبراهيم ... الحلقه التاسعه والعشرون- على وضعك يانجم2

"غير حياتك" مع رضوى إبراهيم ... الحلقه التاسعه والعشرون- على وضعك يانجم2
"غير حياتك" مع رضوى إبراهيم ... الحلقه التاسعه والعشرون- على وضعك يانجم2
Sponsored Links

الحلقة اللي فاتت إتكلمنا عن الثبات الإنفعالي... غضبك ودرجة إنفعالك شكلها إيه ... لإن درجة ثباتك وغضبك هما اللي بيحددوا مستقبلك وعلاقاتك مع اللي حواليك

 

, وسألتك...
- إنت عصبي ؟!
- بتغضب بسرعة وعلى أتفه الأسباب؟!
- بتخسر ناس بسبب غضبك وعصبيتك؟!
- غضبك بيوصل لحدوث خساير؟!
- جربت في مرة تمسك أعصابك؟! وياترى قدرت؟!
- جربت في مرة تقعد مع نفسك تراجعها بخصوص موضوع الغضب دا ؟! وياترى وصلت لحل ولا لأ؟!
- ندمت علي موقف حصل في حياتك وكان رد فعلك كله  غضب وخسرك كتير؟!
ونبهتك إن الغضب وعدم وجود ثبات إنفعالي لدى الإنسان بيقفل التفكير الطبيعي والمنطقي عنده بنسبة تفوق الـ 70 في المية... مش الإنسان لما بيغضب ممكن يصور قتيل!
دا كان ملخص الحلقه اللي فاتت ... 
الحلقه دي هنتكلم عن الأسباب الفعليه للغضب واللي (أغلبها) بيكون في عقلك الباطن متخزنة ...
زي مثلا إنك حاسس :
بالخوف
حقك دايما مهدور
قلة نوم
روتين حياة بطيئ
بتتجاهل مشاكلك وعلي طول مبتسم وتقول أنا بخير 
عايز كل حاجة صح و واقف لنفسك وللناس على الواحدة
أحلامك مش على مقاس قدراتك

Sponsored Links

لما الخوف جواك بيكون موجود لما بيحصل أي حاجة بتعصبك وبتغضبك زي مثلا لو طفلك حط ايده في الكهربا بتغضب وتزعق دا نتيجة خوف جواك... لما بتسوق عربيتك وحد جاي كان هيخبط فيك إنت بتغضب في الحقيقة مش من الموقف من اللي كان هيترتب عليه الموقف... كسور ... موت ... العربية اللي مدفوع فيها دم قلبك أو لسة عليها أقساط ... وقيس على كدا حاجات كتير في حياتك مرتبطة بالخوف
نيجي بقى على اللي بعده أحساسك أن دايما حقك مهدور طول ما إنت حاسس أن شخصيتك ضعيفة وحقك دايما مهدور أكيد هتبقى عصبي وعلى طول غضبان والعيشة واللي عايشنها
أما بقى قلة النوم حدث ولا حرج دي مش بتعمل عصبيه وغضب بس دي ليها كم من الأثار السلبية على الإنسان وصحته
روتين الحياة البطئ يعني تقيل الدم - اللي بتبات فيه بتصبح فيه مع مرور الوقت بتزهق وخصوصا لو بعد زهقك الروتين متكسرش برضه بيقلب معاك بغضب وعصبية
نيجي للسبب اللي بعده بتتجاهل مشاكلك وعلي طول مبتسم وتقول أنا بخير - في الاول بتحس إنك بطل ... إيه الحلاوه دي وإيه التمثيل المقنع ده .... لكن بعد شوية قلبك ما بيستحملش تمثيل بيتكسر والوجع بيزيد ويقلب الضحك معاك بنزف وعياط متمثلين في صورة غضب وعصبية 
عايز كل حاجة صح و واقف لنفسك وللناس علي الواحده وطبعا لا مريح نفسك ولا اللي حواليك مرتاحين وبتشوف طول الوقت أن محدش فهمك وبتلاقي عدم الرضا اللي جواك من اللي حواليك هيتمثل في الغضب والعصبية
أحلامك مش على مقاس قدراتك... ودا بالذات من أهم الأسباب المخفية اللي بتكون جوه أغلبنا وبيكون التبرير مش أن الاحلام أكبر من القدرات ... لأ خالص بيكون التبرير البلد ... الظلم ... وهكذا ...
إحنا كدا إتكلمنا عن أسباب الغضب والعصبية لكن في الحلقة الجاية هنتكلم إزاي نحجم الغضب والعصبية ونزود الثبات الإنفعالي جوانا ... أشوفك الحلقة الجاية

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

معلومات الكاتب