أخبار عاجلة

"غير حياتك" مع رضوى إبراهيم ... الحلقه الثلاثون - على وضعك يانجم 3

"غير حياتك" مع رضوى إبراهيم ... الحلقه الثلاثون - على وضعك يانجم 3
"غير حياتك" مع رضوى إبراهيم ... الحلقه الثلاثون - على وضعك يانجم 3
Sponsored Links

في الحلقة اللي فاتت إتكلمنا  عن الأسباب الفعلية للغضب واللي (أغلبها) بيكون في عقلك الباطن متخزنة ...
زي مثلا إنك حاسس :
بالخوف
حقك دايما مهدور
قلة نوم
روتين حياة بطيئ
بتتجاهل مشاكلك وعلي طول مبتسم وتقول أنا بخير 
عايز كل حاجة صح و واقف لنفسك وللناس على الواحدة
أحلامك مش على مقاس قدراتك
وأتكلمنا باستفاضة علي كل سبب فيهم

 


الحلقه دي بقى هتكون أخر حلقة عن الثبات الانفعالي وهنتكلم إزاي نقدر نحجم الغضب ونزود الثبات الإنفعالي ...
أنت عرفت أسباب الغضب إيه فبالتالي هيكون سهل عليك إنك تحجمه وتعيش صح من غير توتر ولا مرض لإن الغضب والعصبية مش بيتعبوا النفسية بس ... لأ ... خالص دول بيجيبوا المرض زى ضغط وسكر وقلب وجلطات وسكتهة قلبية ...
علي فكره أنا مبخوفكش أنا بس بلفت نظرك ... ما علينا خلينا في تحجيم الغضب وزيادة الثبات الانفعالي ...

Sponsored Links


* متقعدش تهري وتنكت مع نفسك في كلام سلبي وكلام يشحنك ويعصبك ... خد نفس عميق وخرجه بالراحة وفكر عدل بدل الدوشة اللي إنت عاملها في دماغك وفي الأخر بتطلع فوق دماغ اللي حواليك
* بدل لما تندب حظك أن دايما حقك ضايع  وعمال تضيع وقتك في هري أتعلم إزاي تاخد حقك
* إتعلم إزاي تستمتع بحياتك .. بالبلدي روق علي نفسك .. إغسل وشك ... إتشيك ... غير الأماكن ... إضحك ... ياأخي نفس عن نفسك 
* روح الجيم أو إتمشي كل يوم شوية هتخرج المشاعر والطاقة السلبية اللي جواك ... ما هو الغضب عبارة عن مشاعر سلبية جوانا وخدلي بالك جوانا يعني بتاعتنا يعني بإختيارنا نتحكم فيها أو لأ ... أول مره هتغضب وتيجي تتحكم في مشاعر غضب هتبقى صعبة و بعد كدا هيكون الموضوع سهل
* متجيش للهايفة وتتصدر أترفع عن الحاجات الهايفة هترتاح وهتريح 
* خلي أحلامك علي قد إمكانياتك 


قبل بقى لما أنهي الموضوع دا عايزة أقولك على خطورة الغضب ... الغضب دا بقى يا برنس من أخطر المشاعر اللي ممكن يحسها أي إنسان وأنا بقول من أخطر لإن نتايجها بتكون صعبة جدا ممكن الغضب يوصل للقتل أو لخسارة إنسان مهم  وممكن يخليك تعمل أفعال تندم عليها بعد كدا دا غير بقى إن ممكن يجيب من الأخر ويقضي علي صحتك أو حياتك
إفتكر دايما إني مجرد عامل مساعد ليك لكن إنت لو معندكش إراده عمرك ما هتغير حياتك ولا هتقدر تتحكم في غضبك ... وإفتكر كويس إنك بطل حياتك فأوعى ترضى تعيش مجرد كومبارس فيها ... أشوفك الحلقة الجاية

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

معلومات الكاتب