أخبار عاجلة
مواجهات محمد يوسف ضد الزمالك.. سيئة للأبيض -

إعادة حلقات - غير حياتك مع رضوى ابراهيم .. الحلقة الاولى: خليك نفسك

Sponsored Links

غير حياتك مع رضوى ابراهيم .. الحلقة الاولى: خليك نفسك
-----------------------------
مش كلام إنشاء ولا ضحك علي الدقون ... عارفه انك سمعت الكلام ده كتير في برامج ودعاية ... كن الاول ... خليك نفسك ... كيف تكون واثق من نفسك... كيف تصبح إنسان ناجح في حياتك العلميه و العملية والزوجيه ... وناس تجري علشان نفسهم يبقوا أحسن وأفضل بس بيكتشفوا إنهم لسه زي ما هما مفيش تغيير ... طيب دا ليه ... ماهو اللي بيدي المحاضره بيقول كلام زي الفل ... معاك هو بيقول كلام منطقي زي الفل بس انت مبتتغيرش ... علشان لما بتتعمق جوه نفسك هتحاول تكتشفها علي حقيقتها تشوف عيوبها قبل مميزاتها... الانسان بطبيتعه مبيحبش يشوف عيوبه او تقصيره فين ... نظرة الانسان ضيقه شويه ... بيكون عارف إنه مقصر بس ما بيواجهش نفسه لانه مش داخل جوه نفسه ...

أول سؤال لازم تسأله لنفسك قبل ما نبدأ في سلسله بداية نجاح "غير حياتك" ... لازم تعرف أنت مين ؟ وفين؟ قف قدام المرايا بص علي نفسك ... مش قصدي المرايا اللي على الحيطة ... لأ أنا عايزاك تشوف نفسك من جوه ... تدخل جوه نفسك تشوف نفسك بحياديه ... هتشوف حاجات ممكن تخوفك ... ممكن تكتشف إنك ماشي في الطريق الغلط ... أصعب شئ علي الانسان أنه يواجه نفسه ودي بقى سبب المشاكل كلها ... محدش بيحب يشوف نفسه وحش ... لا أكذب ولكنى أتجمل... بس قبل ما نبتدي حلقات "غير حياتك" ... لازم تتأكد إنك عايز تتغير ! انك هتكون واضح مع نفسك مش مجرد كلام هتقراه وتتأثر بيه وبعد شويه هتنساه وترجع زي الأول بلا هدف مش عارف إنت عايز إيه ولا إنت مين ؟ وفين؟

Sponsored Links

طيب إنت صح ولاغلط؟

ليه مش حاسس بالسعاده ؟

طب إنت راضى عن علاقتك بربنا و لا لأ ؟

ليه بتصيبك نوبات من الإحباط واليأس وعدم الرضا ؟

طيب ليه عصبيتك الغير مبرره؟

طيب ليه إنت مش لاقي نفسك مع نفسك ولا مع غيرك؟

لو هتكون صريح مع نفسك وفعلا عندك الرغبه إنك تتغير وقتها هتكون حلقات "غير حياتك" بداية نجاح لحياة جديده بصفحه بيضه إنت اللي هترسم شخصيتها وملامحها وأهدافها :)
--------------------------