الارشيف / بداية نجاح

إعادة حلقات - غير حياتك مع رضوى ابراهيم .. الموسم الأول ... الحلقة الثانية: إنت شايف نفسك إزاى؟

Sponsored Links

في الحلقة الأولى إتفقنا علي الصراحه مع النفس وان لازم ضميرك يكون صاحي علشان تعرف تقيم نفسك وتشوف عيوبك فين؟! وتعرف إزاي تعدلها؟! وازاي تعيد ترتيب أولوياتك بالشكل الصح... إنت شايف نفسك إزاي؟ طيب هل أفعالك مع نفسك مبتختلفش كتير عن أفعالك مع الناس! طيب إنت صادق مع نفسك ومع الناس ! طيب إنت من الناس اللي متردده وبتاخد قراراها متأخر وممكن بعد فوات الأوان؟ ولا من الناس اللي متسرعه اللي بتاخد قراراتها بدون تفكير ؟


طيب إنت من الناس اللي بتحب تلف وتدور كتير؟ طيب إنت من الناس اللي بتعرف تاخد قرار؟ هات ورقة وقلم وأكتب فيها إنت شايف نفسك إزاي؟ عصبي! متردد! بتعرف تاخد قرار مبتعرفش ! إرسم ملامح شخصيتك ولما تخلص إبتدي إقرأ نفسك  ... بعدها هات ورقه تانيه وأكتب عيوبك ومميزاتك من وجهة نظرك بس خلي بالك إحنا من أول حلقه إتفقنا علي الصراحه ... وإنك هتستحمل أسالتي دي في الأول وهتجاوب عليها بصراحه علشان تقدر تغير حياتك....بعد لما تكتب عيوبك ومميزاتك عايزاك تقيم نفسك هل مميزاتك اكتر من عيوبك ولا عيوبك أكتر من مميزاتك ؟ وهل عيوبك بتأثر علي حياتك بشكل كبير ولا لأ؟ طيب إنت منظم ولا فوضوى ؟ طيب الأهم عندك القابليه للتعديل من عيوبك ولا لأ ؟ هات الورقه و القلم وخليك صريح مع نفسك أقعد في جو هادي وإبتدي إرسم ملامح شخصيتك من عيوب ومميزات وطباع وإيه اللي مزعلك من نفسك وإقرأ شخصيتك ... والحلقه الجايه هقولك الخطوة الللي بعدها علشان تغير حياتك بس لازم تكون عارف إن البداية عندك وبعدها العوامل المساعده الخارجيه هيكون ليها دور لبداية نجاح لحياة جديده إنت اللي هترسم ملامحمها وإحنا هنساعدك إنك تكمل حياتك ناجحه  وكلها سعادة 

Sponsored Links

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى