أخبار عاجلة

إعادة حلقات - غير حياتك مع رضوى ابراهيم .. الموسم الأول ... الحلقة الثالثة : قاعدة مصارحة

Sponsored Links

غير حياتك مع رضوى إبراهيم ... الحلقة الثالثه ... قاعدة مصارحه!

الحلقات اللي فاتت إتفقنا إنك تقعد مع نفسك وتجيب ورقه وقلم وتكتب عيوبك ومميزاتك وأهدافك ... بشرط إنك تكون صريح مع نفسك وضميرك صاحي ... أصلك لو مكنتش صريح مع نفسك هتكون صريح مع مين ... المهم أنا هسيبك لضميرك وأنت حر في نفسك 

 

النهارده هنتكلم في مرحله تانيه  بعد لما كشفت أوراقك قدام نفسك كتبت إنت راضي عن إيه في حياتك و مش راضي عن إيه ... طيب إيه اللي بتعمله وتعبك ومحدش يعرفه غيرك بس مأثر عليك نفسياً ... عرفت أحلامك إيه ؟! إنت عايز إيه! طيب أهدافك إيه! النهارده هتقعد مع نفسك وتسألها ... ياتري الناس شايفينك إزاي؟! هتقولي إيه السؤال ده ؟! إنتي هتشتغليني L هقولك أصبر عليا وخليك معايا و رد عليا ... ياتري الناس شايفينك إزاي؟! هتقولي وهتفرق معاكي إيه ؟! لأ تفرق يا باشا ... تصرفاتك وأفعالك هي اللي بتتحكم في نظرة الناس ليك .... شوفت إزاي ... إبتديت تفكر أهوه ... تعالى بقى ... فاكر لما كتبت عيوبك ومميزاتك ... ياتري الناس شايفين مميزاتك ... طيب بترجم عيوبك يعني بيقولوا عليك متسرع ... أو ملكش كلمه ... مبتعرفش تاخد قرار ... فتان J مؤذي ... مبتساعدش حد ... هايف  ... فاشل ... إيه ده ... هتزعل ولا إيه ... إستني بس إحنا بنشوف إنت إيه في عيون الناس! و يا ترى رأيهم صح وإنت كدا ولا ظالمينك! طيب متزعلش نرجع تاني ليك 

Sponsored Links

 إنت شايف إنك ضيعت وقت كتير من عمرك من غير ماتعمل اللي إنت عايزه؟! بتشوف لوم من اللي حواليك وشماته ؟! معلش أنا برجع تاني للناس لأنهم جزء لا يتجزأ من حياتك !  إيه ؟! لقيت إنك ضيعت وقت كتير وكله من عمرك ؟! صح ... هتسألني طيب والحل ... أنا عايز أكون إنسان صاحب قرار ... عارف إزاي أحقق حلمي ... مش عايز اضيع وقتي ... مش عايز أيأس ... عايز أشوف نفسي  كويس... وعايز الناس تبقى نظراتها ليا إني إنسان ناجح .... كدا صراحتك تعجبني ... وكدا انا ممكن أكمل معاك ... والحلقه الرابعه هنرتب أولوياتك بشكل صحيح 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

معلومات الكاتب