أخبار عاجلة
تقرير - تشيلسي يزاحم برشلونة في صفقة ديمبلي -

إعادة حلقات غير حياتك مع رضوى ابراهيم - الموسم الأول - الحلقة الخامسة : بتقدر ظروف غيرك ؟

Sponsored Links

الحلقة الخامسة : بتقدر ظروف غيرك ؟

الحلقه اللي فاتت كنا لسه بنغوص جوه نفسك ... ابتدينا الرحله جوه نفسك !! إبتديت تشوف النفس البشريه بمنظور تاني ... ومن جوانب كتيرة غير اللي إنت كنت شايف نفسك بيها ومفكر إن ده هو الصح... في الحلقه الأولي وقفنا علي عتبة النفس البشريه والحلقه الثانية والثالثة والرابعة إبتدينا نتعمق جوه النفس البشريه ...إبتدينا نسألك أسئله ... وإنت وعدتنا إنك هتجاوب عليها بكل صراحه لإنك عايز تغير حياتك ...

Sponsored Links

النهارده الرحله هتروح وهترسى شويه قبل ما تتنقل لمرسي جديد عند ... (إنت بتقدر ظروف غيرك ولا لأ)!...بتقدر تتحمل ظروف غيرك... ولا بتحب الناس تتحملك بس !!!... لو حد إتصل بيك  ... بترد عليه ولا بتنفض! طيب لو حد طلب منك إنه يتكلم معاك علشان مخنوق ممكن تكبر دماغك وتقول مش فاضي هو أنا ناقص وجع دماغ .... طيب لو حد إتصل بيك أكتر من مره ممكن تقول عليه قليل الذوق ومعندوش دم !!!!

طيب علي النقيض بقى ... لما بتكون مخنوق ومش لاقي حد تتكلم معاه ... بتزعل وتقول دا مفيش فيهم خير ! ولا بتقول أه ما أنا اللي بعمل كدا وداين تدان ... طيب لو محتاج حاجه ضروري وإتصلت بشخص ومردش عليك ... بتتـنرفز ! وبتتصل أكتر من مره ! ومبتقولش علي نفسك غلس وقليل الذوق!

طيب إيه !!! من وجهة نظرك الصح ان اللي حواليك مفروض عليهم إنهم يتحملوك لكن إنت مش فرض عليك إنك تتحمل حد!

طيب إنت شايف إيه! الحياه عايزه كدا ! ولا محتاجه شوية مرونه منك؟! خد وهات! تتحملني وأتحملك! تخفف عني وأخف عنك! تسعدني وأسعدك !

ولا أنت شايف إيه؟!

عموما الرحله لسه مستمره في أعماق النفس البشريه هنحاول من خلال الرحله نحل عقدها ونفك ألغاز متاهة الحياه جواك ... ونرتب الكراكيب اللي جوا قلبك ... ونعدل المايل ... ونرمي اللي اتكسر ونجيب غيره جديد وجامد وضد الكسر...بس بدورك معانا هنستمتع بالرحله سوا ... وإفتكر بس إننا عوامل مساعده من غير إرادتك وقوتك وإستعدادك للتغير ... عمره ماهيحصل تغيير بجد...