الارشيف / بداية نجاح

إعادة حلقات - غير حياتك مع رضوى ابراهيم .. الموسم الأول ... الحلقة التاسعه... إيه أخبار أحاسيسك ومشاعرك؟

إحنا شعب عاطفي بطبعه ... بس ساعات بتوصل معانا العاطفه لدرجه وحشه...

العاطفه والاحاسيس هنا هى اللى مقصوده ... هل عاطفتك ومشاعرك بتسيطر عليك؟؟ ... متتخنقش كده هفهمك!

Sponsored Links


 
يعني هل طول الوقت إنت مش مرتاح مع الطرف الأخر سواء كان حبيب أو صديق أو زميل .... فى كل قاعده بتشتكي من الطرف الأخر إنه قد ايه هو مقدركش! قد إيه مصانش العشره ! عمره ما كمل حوار معاك لحد النهايه! خلقه ضيق عليك إنت بس وده مخليك تحس إنك مش عزيز عنده! مبتحبش تقعد في تجمعات زمايلك اللي بيعملوها ... ولو روحت بتكون متغصب علشان مش بتحب كلامهم ولا هزارهم! حاسس إنك متضايق دايما وإن كل اللي حواليك مش مريحينك؟!

طيب مسألتش نفسك ... يمكن إنت اللي إنسان مش مريح بالنسبه ليهم علشان كده بيعملوا معاك كدا ! مش يمكن إنت إنسان عصبي ومشاعرك سابقه عقلك فلسانك بيفلت كتير بدرجه تغضب اللي قدامك منك؟! وممكن إنت هزارك تقيل معاهم علشان كدا بيكون رد فعلهم رخم؟! وممكن تكون بتتدخل في حياة غيرك بشكل يخليه يرفض ويبعد عنك؟! وممكن تكون أناني عايز اللي يعرفك مايعرفش حد غيرك ... بالبلدي يعني بتعتبره من ممتلكاتك الخاصه؟! محدش فينا كامل ولكن ساعات بنشوف تصرفات الطرف الاخر غير مريحه بالنسبه لينا... وإننا مش مرتاحين ... وبنستخصر علي نفسنا نقعد قاعده صدق مع نفسنا و نعاتبها ونشوف إيه الغلط اللي فينا اللي يخلى اللي حوالينا كده ...

لازم نعرف إن مش معني إنك حسن النيه إنك تكون علي حق

قبل ما تشتكي .... راجع تصرفاتك قبل ما تغلط في حق اللي قدامك ...

راجع نفسك الاول إعرف إننا ما ينفعش نعيش لوحدنا .... بس ساعات مشاعرنا المتلخبطه بتسيطر علي عقولنا وبتخلينا نخسر كتير ...

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى