احنا الصعيد محمود الحبكى

0 تعليق 104 ارسل طباعة تبليغ
حبكيات ... ( إحنا الصعيد ) ... إحنا الصعيد إحنا اللي نافر عِرقنا وما كان هجين وإحنا اللي يآخدوا من زفيرنا الأوكسجين وإحنا اللي يخمر عيشنا في كسوف القمر والفرن لما تقيد تطبطب ع العجين إحنا الصعيد إحنا الأصول . إحنا اللي لما بنبتسم تتلخبط الجغرافيا وتتوه الفصول إحنا اللي قبل ميعادنا نعلن في الوصول وإحنا اللي أول سطر في النوته ( لواء ) ما يكونشي صول إحنا الصعيد إحنا الزعامه والشهامه والإمامه والشرف وإحنا اللي بنعيش فقرنا ب عزه وترف وإحنا اللي ننفخ عينا لو سافل طرف وإحنا اللي نعلن في السكوت صوت الوعيد. إحنا الصعيد يا إبن الهفي وإحنا اللي ذاتنا بتكتفي وإحنا اللي بالضيف نحتفي وإحنا اللي وقت الشده عمر ما نختفي وبنصطفي من كل بيت صورة شهيد إحنا الصعيد ____________________ محمود الحبكي

0 تعليق