الشاعرة سلمى اشرف ابراهيم

0 تعليق 280 ارسل طباعة تبليغ
بدينا القصة كتبنا فيها يادوب سطرين حلفنا يوميها مانتفارق ليوم الدين نهينا القصة بعديها يادوب بيومين مكنش الحب فيك راسخ وقربك منى كان ماسخ لقيتك شخص كان ناسخ حروف وكلام من اصحابك من الأفلام تصدق كنت يوم فنان وجيه اليوم اللي اسقفلك وبعد مشاهدك الناجحة انا هقفلك انا بحييك قفلت الباب وجيبت كلاب لتحميني أدركت ساعتها ان الفراق قادر ينجيني من الأفلام وأى طريق ف يوم همشيه يوصلنى ف يوم لعتاب مشيت عكسه ماعدتش باقية ثانية عليك ماعدتش دايبة انا ف معاليك وخدت قرار مانيش راجعة وبحلفلك بحق كل وجعة ف قلبي كانت منك لترجعلي ف يوم ندمان وتبكى كمان ماعدتش حاساك الأمان بقيت ف عيونى شخص وكان مابيصونش ف يوم وعده يروح واحد يجي بعده ماهيش واقفة حياتى عليك ماعدتش دايبة انا ف معاليك وخدت قرار هكون احسن تشوفنى من بعيد تحزن وتتمنانى لو نرجع ومش هرجع وقصة واصبحت مرجع يعلمنى يفوقنى قبل ما قلبي انا اوجع ده وجع القلب مش ساهل كسرتلي قلبي بالساهل ومش جايبة عتبي عليك ما انا اللي غلطت واستاهل ماهوش ساهل ف يوم نختار شريك للعمر ونوهب عمر وطعم المر بيعلم وجرحك انت ده معلم ف اركانى ولو حبك بإمكانى ما كنت جعلته يوم جانى ولا اصبحت مجنى عليه طب هقولك تصدق بإيه بقيت كارهاك ومش عايزاك ولا باقية ثوانى عليك #سلمى_اشرف_ابراهيم

0 تعليق