الارشيف / ثقافة وأدب / ابداع

الأسطي فؤاد موجود .. قصيدة للشاعر / فؤاد حداد

ولا كل الخشب بيخف

ويعوم في الهوا ويطير

Sponsored Links

إسألهم يا شيخ دردير

أنا نمت الليلة دي كتير

يقولوا لك حلمت شوية

أيام العمل في الشمس

بتشر العرق وعينيٌه

وشافوني في دار الأحياء

من رجب الإمام لبولاق

مستعصي على الإلغاء

نعناع العرب وفليه

أيام العمل في الشمس

بتشر العرق وعينيٌه

مش خايب رجا ومتعوس

وديوك يناقروا تيوس

امبارح في روز اليوس

اجتمعوا في باط الحية

أيام العمل في الشمس

بتشر العرق وعينيٌه

وتيوس يناطحوا ديوك

وانا قلبي موتور مفكوك

وبيحمل كما المكوك

الناس اللي رايحة وجاية

أيام العمل في الشمس

بتشر العرق وعينيٌه

كان نور الخيال وياه

بيغني على ليلاه

باستغرب لأول آه

مش لاقية الآهات في الخية

أيام العمل في الشمس

بتشر العرق وعينيٌه

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى