الارشيف / ابداع

فوق المقام .. قصيدة للشاعر / ابراهيم عوض

Sponsored Links

فوق السلالم
...........
ليه راجعه تاني تغزلي
ف توب العوالم؟!
لساكي غاويةترقصي
فوق السلالم؟!
لسّاكي ناويةتنقّشي
توبك بدمّي؟
وانتي اللي إسمك بانطقه
لحظةمااسمي
ماددإدياأسترك
وبتجرحيني!!
قلبي عشانك يتحرق
وانتي تخونيني!!
قومي اخنقيني وغيّري
ف وداني لحنك
مش عايز اشوفك ع الملأ
بتبيعي لحمك
دمي اللي سايل ف الشوارع
كان عشانك
عمّال بيسأل:فين مكانك؟
عمّال يقول:ازاي نشوفك؟
وانتي اللي لسّه جوّه خوفك
لسّاكي واقفة ع السلالم!!
وبيعجبك رقص العوالم!!!
لاراضيةانك تنزلي
أوتطلعي
أوحتى صوتك ترفعي
أونسمعك أوتسمعي
أوحتى نلمح رقصتك
أوبصّتك
يمكن عنيكي تدلّنا
وتقول لنا:فين مطرحك؟
راح نصلحك
بس انتي حاولي وجرّبي
إنك تباني...تقرّبي
علشان نشوفك نسترك
ونطهّرك ونحرّرك
م الخوف وتاني ترجعي
وتسمّعي
كل اللي قصده يوقّفك
فوق السلالم ترقصي
أوتلبسي
توب المهانةوتفضلي
عمرك كده
ولّاانتي مش متعوّده
انك تتوبي وتظهَري
توبك نضيف وتغيّري
من منظرك؟
حسّه برضا!!
ومريّحك إنك كده!
توب العوالم تلبسي
وبقيت حياتك كلّها
فوق السلالم ترقصي!!!
.............
للشاعر/ابراهيم عوض
من ديوان"كان فيه وطن".

 

Sponsored Links

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى