الارشيف / ثقافة وأدب / ابداع

زمن فات قصيدة لعبد الحميد أحمد على

من زمن فات

Sponsored Links


دق الشيب في السطر


لسّه ما عدَّاش القطر


على مهلك يا أخي عليّ


ما انت العالم بالأحوال

إني لوحدي 


شايل كل هموم العالم 


فوق كتفي


أيوه يا نور 


بلدنا اتوغل فيها الإثم


صبحت بور


ماعادتش بتحبل بالجدعان


ولا عادش بيغلي فيها التنور


ولّت حواديت الشيخ زهران


واللمّه قدام الجامع


والفرحه بليالي زمان


والحضره اللي كانت 

 

تجمعنا تاني أيام العيد


سِمْعُه جاب الله عبدالعاطي


رمضان عادل درش صلاح


وسعيد


مش فاضل منها 


غير بس شوية ولاليد


سادّين الشارع والحاره


والنفس الهفتانه الأمارة


واخداهم على حافة جرف


لوكان الظرف مواتي


لدُسنا ليلاتي 


على اوجاعنا


ولا شئ في الكون يفجعنا


ولا سيبنا نجوعنا


أعشاش تسكنها الوطاويط


*

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى