الارشيف / ثقافة وأدب / ابداع

قصيدة لعبد الحميد احمد على

يا ثوره ما تمّت

أهو عدّى الماضي
وولّى بكل همومه
وألمه وزخمه وسلبياته
إخوانا البعدا الجددا
البُلَدا لحقوا القطر
ف آخر عربياته
يا ريتنا ما سيبنا مكانا
ولا اتعْتعنا ولا حدش
فيهم يقدر يمنعنا
ولا سيبنا سياطهم تكوينا
تلسوعنا 
كام من شهدا ماتوا
ولا واحد لملم خلقاته
ماهي أمه بتحلف بحياته
جيكا .. أبو ضيف والجندي
غيامة صيف وهتعدي

Sponsored Links

ولدي يا ضناي يا كبدي
عارفك من دون خيّاتك
بِرّاوي ومشرّبني المر
لا هتاخد من قلبي 
ولا هَتـْصُر
كان ضي عينيها
ونـَضَرْها 
جابوا خبرها
قطفوا اعمارها
عين الغدر تشوّه منظرها
ولا عايمه اللي ما ترسى
كراماتك يا سيدنا (المرسي)
مش مطرح ما هترسى
دقـّلْها
دوس على قدمك 
تَقـّلْها

إوزن عباراتك .. إعقلها
مش مسك وعنبر
وباخور جاوي
أو حضرة  ومولد  وحجاوي
جيتوا بقانون باطل
أغلبكوا عَمَّال بيماطل
بكلام خيبان مالوش لازمه
مين فينا افتعل الأزمه
كرهنا اقوالكم وأفعالكم وأعمالكم
ولا الغرب أوحالكم 
تدوسونا بنعالكم
بالجوده والنيه معقوده
وهنزرِد الخَيّه
وبْعوده
والدايره هتدور
على أمثالكم
والحق مردود لاصحابه
هيخبط غصب
على ابوابه 
********

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى