الارشيف / ثقافة وأدب / ابداع

قصيدة للشاعرة نادو فتيحه بفرح جدا


لما اندهلك و تقول عينى
و اما يكون همك تراضينى
و اما بتعرف فين تلاقينى
و اما يقولك قلبك حالتى
و اما تخلى الضحكة تجينى تبعد    

      حزن اتعود طيبتى
و اما تجيب لى هدية بسيطة
و اما عيونك تبقى مرايتى
و اما تقولى ماشوفتش زيك هادية جميلة رقيقة ف حسنك ترضى غرورى و ترضى انوثتى
و اما تقولى قصاد الناس طول الوقت حبيبتى حبيبتى
و أما تقولى انا فاهمك جدا و كأنك داخل تركيبتى
و اما أحكيلك عن هفواتى بدموع قلبك تقبل توبتى 
و اما تفرمل فيا شقاوتى
و اما اسافر  كونك  يفضى فاتدور على صوتى و ريحتى
و اما بتسال ليه فرحانة و اسكت علشان انت إجابتى
و افرح جدا .......
لما يقولوا عليك الطيب انسان راقى و شيك و أمير
و اما يقولوا مثقف جدا 
و اما يقولوا وسيم و مثير
و اما ف مرة عليا تغيير لما يشقشق نور الفجر و يبوس خدى صباح الخير
و ازعل جدا ..........
لو تهملنى  
دايما واخدك شغلك منى
و ازعل لما ف عز كلامنا تسكت خالص وتجننى 
و أخجل جدا ........
لما تبص البصة اياها
و لا ف يوم تتغزل فيا
و اما بتكتب شعر عليا و تسمعنى قصيدة بصوتك كل حروفها من الحنية 
انت بتمشى و بتنساها
و انا بحفظها و اتبناها
يملا ضياها الدنيا عليا
حتى ف وقت ماكون عصبية بتطبطب و تضم لقلبك
و بتهمس لى ف ودنى بحبك
فابيتبدل حزنى لنعمة و أرجع بعد الضعف قوية 
بحبك جدا

Sponsored Links

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى