الارشيف / ثقافة وأدب / ابداع

مخاض الليل قصيدة لفاطمة ثابت

من بين  مخاض الليل 


تتولد المواويل 

Sponsored Links


من بين وجايع الناي


يطلع كما مارد


يمشي مابين الغيط 


ميهموهوش الشوك 


أو جدول الميه 


يسرح خياله لـ فوق 


يكشف حيطان بيتنا

 

أمي بتحمي الفرن


تمسح عرقها في طرفها  الطاهر 


وتهوي بـ المواويل


من بين إيديها 


تدي الحياه للعيش وتشكله رغفان

 

"لسه العجين ني 


سيبوه وراح يخمر


بزياده هلكه الضي 


ياحنينه راح يخسر


اسعي وروح عـ الرزق


دبلو بنات النهار 


من كتر قعدتهم"

 

- طب عايزه حاجه معاي ؟

 

"عايزه سلامه الشوف


 وصره كام صره 


للموت وحته مش 


واول مايصحي العيش 


هبتعله بيه مرسال"

 

قالوا زمان في الحكم 


أطعم بطون الناس عينها تتلوم

 

عدت شموس النهار حلقان نخلنا الطارح


والشمس لقيت العركه

 

راحت قوام  


ولسه النهار

 
محتفظ بخيط من كرامته 


قبل إنقلاب الليل عليه وهو لسه مجاش 


وأمي مبتهداش 


عامله كما يعقوب مستنيه البشري


لسه أمالها


فيه زيه بالفطره


وعنيها دي أبيضت من كتر طلتها


راميه شباك الشوف 


بعد الغيطان .. بـ غيطان


تايهه في وشوش الخلق 


ومقلبه الوديان

 

ولما أن جاء البشير 


ألقي علينا قميص التوها والحيره
وهتف الموت 
"ملهاش امان متمرش فيه  العيش"

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى