الارشيف / ثقافة وأدب / ابداع

قصائد قصيرة لسلوى عابدين

ياساكن فوق وفالعالي ميلزمنيش

 

Sponsored Links

انا قصرك ولا حتي اعيش عصرك

 

ولو عندك قصور فالحب مبنية كفاية عليا بنية

 

يكون فيها الغرام غية

 

دنا مجروحة مكوية

 

تطيب خاطري انا

 

كلمة وتكفيني انا حبة

 

تتقدم بحنية وترويني انا شربة فيها سلامة النية

 

 

 

واه منك يا كلمة

 

اه يا وجعاني

 

مفيش غيري قصاد عينك

 

تملي ليه ملزماني

 

يا شيخة كرهت انا نفسي

 

حقولها مرة من نفسي

 

وحاجي كمان علي نفسي

 

بكرة ضحية الاحزان

 

تيجي تقول انا الجاني

 

 

 

لساك ياقلبي رغم الغربة

 
فى صدرك بتسافر
 
ورغم الحزن والقسوة
 
فاضل دقة سمعاها
 
عايزة تعيش وبتعافر
 
قطر الفراق
 
قطر الفراق عدا
 
وقلبى انا جواه
 
وفلحظة جه هدا
 
وسمعت كلمة آه
 
يا قلبي ده صوتك
 
والله انا حفظاه
 
أصل الفراق مووتك
 
حالف ما حيفوتك
 
وأن جه فيوم فاتك
 
فى قطر تانى وراه
 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا