الارشيف / ثقافة وأدب / ابداع

ايوه انا .. للشاعر: محمد حسين الريس

ايوه انا المصري
اللي نفسه يشوف بلاده في السما
ايوه انا الشاب اللي راح منه الكتير
وبردو عاشق للتراب اللي في بلده
اللي ومنه اتخلق جده وولده
ومهما كان وضعه خطير
عمره ما باع ولا حتى خان
عمر الوطن في عنيه ما هان
تقدر تقول حبه لبلده فيه ادمان
لو مهما شاف مر في حياته
من يوم ميلاده حتى مماته
حالم يشوف بلده الجميله
عروسه حلوه عايقه ونبيله
حالم تعود عظمتها ليها
والخير يعود بولدها ليها
ايوه انا
المصرى اللي حافظ تاريخ جدوده
اللي بعمل اتشد عوده
قدر يعيش وسط الحيتان
اللى في عدائهم الحقد بان
ايوه انا

Sponsored Links

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى