الارشيف / ثقافة وأدب / ابداع

لما مات صاحبي قصيدة للشاعر انور عكاشه

لما مات صاحبي

 

Sponsored Links

ولقيت رقمه المسجل

 

جوه ارقامى الكتيره

 

قلت صعب أبدل 

 

مكان سكنه بغيره

 

سبوره سوده 

 

الدنيا تخطف 

 

ماتلاقيش غير الخريف 

 

والناس ورق 

 

نزل المطر بالدمع نز

 

غز الرسالة في قلبي غز 

 

وف عز ماكنت 

 

مش فاكر بانز

 

وأجز بسنانى 

 

على الاوطان تعز

 

طب ليه ياورد 


صاحبي ضايع 


وملوهش حظ 

 

اجزر فيا جزر

 

انحر وماتخليش 

 

في نفسك شئ يهز

 

غز الرسالة في قلبي غز

 

نزل المطر بالدمع نز 

 

وزع منابك ع العنابر

 

ولولسه فاكر صاحبي مات

 

تبقى عبيط !!

 

صاحبي المحيط 

 

رامي بذور الدهشه 

 

ف الاحلام تشيط 

 

صاحبي اللي يسكن حصد قلبي 

 

كان حويط 

 

علمني أحبه

 

وهبني طين وجعه وغلبه 

 

ياحُب ياحَب 

 

يابذره اللي دب ع الارض 

 

خضر الف أم وألف أب

 

صاحبي هو مين علمنى أحب

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا