الارشيف / ثقافة وأدب / ابداع

عند باب المستحيل قصيدة للشاعرة عبير فوزى

عند باب المستحيل
 
 
لسه أوراق الخريف بين السما والأرض ..
 
مستنية اذنك بالنزول ..
 
لسه موج البحر مستني قرارك ..
 
لما تسمح للسفينة بالوصول ..
 
لسه شَعْري ف غربته عمال بيحلم ..
 
نفسه يوم يلقى مكانه ..
 
بس متأكد وشايف ..
 
 
انك انت زرعت قلبك بالدفا مخصوص عشانه ..
 
 
 
لسه حاطه ف قلبي سد عشان يحوش فيضان حنانه ..
 
 
لسه ف عيوني حصار الأسئلة ..
 
 
والجواب دايماً معاك ..
 
 
لسه ايدي بترتعش م البرد محتاجة لدفاك ..
 
لسه بركان المشاعر فيا خامد
 
.. لما تأذنله يثور ..
 
لسه نهر دموعي نفسه يشق وادي ..
 
بين ضلوعك ..
 
في الصخور ..
 
كل حلم جنين بقلبى ..
 
بين ايديك لحظة ميلاده ..
 
حتى موت الحلم فيا ..
 
انت بتحدد ميعاده ..
 
كل كلمة ف قلبي ناقصة ..
 
والكلام عندي كتير ..
 
كل كلمة بتندهك ..
 
تكتب الحرف الأخير ..
 
حتى عمري ..
 
لسه مستني قرارك بالرحيل ..
 
لسه واقف في انتظارك ..
 
عند باب المستحيل
 
.
تمت المشاهدة بواسطة عبير فوزي في 20 فبراير 06:56 م
 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا