الارشيف / ثقافة وأدب / ابداع

((من زمن فات)) قصيدة للشاعر عبد الحميد احمد على

((من زمن فات))
 
دق الشيب ف السطر
 
لسه ماعداش القطر
 
على مهلك ياخى علي
 
مانت العالم بالاحوال
 
انى لوحدى
 
شايل كل هموم العالم فوق كتفيي
 
ايوه يا(نور)
 
بلدنا اتوغل فيها الأثم
 
صبحت بور
 
ماعادتش بتحبل بالجدعان
 
والاعادش بيغلي فيها التنور
 
ولت حواديت الشيخ زهران
 
واللمه قدام الجامع
 
والفرحة بليالي زمان
 
والحضره اللى كانت
 
تجمعناتانى ايام العيد
 
سمعه ،جابالله، عبدالعاطى،
 
رمضان ،عادل،درش،صلاح
 
وسعيد
 
مش فاضل منها
 
غيربس شوية ولاليد
 
سادين الشارع والحارة
 
والنفس الهفتانه الأمارة
 
واخداهم على حافة جرف
 
لوكان الظرف مواتى
 
لدسنا ليلاتى
 
على اوجاعنا
 
ولاشئ ف الكون يفجعنا
 
ولاسبنا نجوعنا
 
اعشاش تسكنهاالوطاويط
شعر\عبدالحميد احمد رئيس المنتدى الثقافي بقنا

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا