الارشيف / ثقافة وأدب / ابداع

قصائد لعبير فوزي

 
بعد الفراق أنا روحي
بعد الفراق اتفتفتت
فتافيت
 
نزلت حروف عمري تخطط ع الورق شغابيط
 
..طلع الكلام م القلب لكن مُر
 
.لو دقت طعم الكلام
 
يصعب عليك حالي
جربت يوم الألم لفراق
حبيب غالي
 
جربت طعم الوجع ؟
 
حسيت بأنّاته ؟
 
جربت مرة النزيف من غير وريد ولا دم
 
تنزف عيونك خوف
 
تنزف آهاتك هم
 
جربت لما الآهات
 
تدخل ما تخرجشي
 
تفضل تغوص جواك
 
تقطع في أوصالك
 
والناس تشوفك جبل
 
قايم بأحمالك
 
وانت الوحيد اللي
عارف
 
انه مش حالك
 
جربت لما القلب م
الخوف يتعصر
 
والفرحة لما تتخنق
 
والحلم لما ينكسر
 
والحفرة جواك لما
 
توْسَع
 
والفراغ يبقى كيانك
 
وتحس ان العذاب
 
بيسن في سنانه عشانك
 
وتشوف عينين الزمن
 
شمتان ف أحزانك
 
يسرق سنين عمرك
 
ع الأرض يرميها
 
وتدوس عليها الناس
 
تتقل خطاويها
 
وتحس انك نسيت
 
روحك كمان فيها
 
وتلاقي نفسك خيال
 
واقف بتتفرج
 
على السنين اللي
 
راحت وانت ناسيها
 
لا قدرت تملكها ولا
 
حتى تحميها
 
 
 
 
 
سوق الكلام
 
سوق الكلام ..
 
مليان عبيد ..
 
كرباج قلم ..
 
في كل ايد ..
 
كلام قديم وكلام
جديد ..
حروف بتنقش في
الحجر وحروف
قلوبها من حديد
حروف تنام على
ريش نعام
..وحروف بتحفر
حلمها في ليل عنيد
.. على بعد كام
مليون سنة ضوئية
يظهر ..
ضوء شريد ..
حروف من الخوف
تتحرق ..
وكلام حروفه
بتتسرق ..
وحرف وسط الموج
غرق ..
ما عرِفش ان البحر
له شاطيء وحيد ..
على بعد كام مليون
سنة ضوئية يظهر ..
ضوء شريد ..
وحرف على سن
القلم ميت شهيد ..
وحروف بتفني
عمرها في بيت
قصيد ..
حروف بتتمرد على
كل الحدود ..
وحروف بتحلم
بالقيود ..
وحروف بتندم ع
الجمود ..
وقفت ف وسط النار
شهود ..
ان اللي راح مش
راح يعود ..
حروف بيطمسها
الزمن ..
وحروف يخلدها
الوجود ..
حروف بتغضب
تنهرك ..
وحروف بتسخر من
جراحك تئلمك
وتغيرك ..
حروف تغير منطقك
وحروف تغير
مظهرك ..
وكلام بتجري وراه
وعمره ما عبّرك ..
وألف حرف كسرتهم
وحرف واحد يكسرك
هاتشتري؟
قوللي بكام ..
سمعني صوتك
والسلام ماهو في
 
النهاية
 
سوق كلام .

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا