حبنا اكبر دليل .. للشاعر: سيد منير عطية

0 تعليق 1 ألف ارسل طباعة تبليغ

اختلفنا كتير ويمكن
عشنا الحلم بضمير
عشنا معنى الحب لما
يروي احساسنا الكبير
مين يحب التاني اكتر
انتي اكتر؟...وانا اكتر ؟
دوبنا وسط الحزن ياما
خدنا الشوق والملامه
مش بقولك
مهما نبعد تاني نرجع
نحضن الشوق والحنين
فاكره ضمه عيني ليكي
لما كنا هيمانيين
ولا فاكره حضن ايدي
مهما كنا زعلانين
ليه نخلي الحزن دايما
جوانا نهر من الانين
تعالي نرسم شمس طالعه
والقمر حاضن صورتنا
تعالي نكتب فوق قلوبنا
مهما نبعد يا خدنا شوقنا
نرسم الدمعات طريقنا
حبنا لازم يعيش
اختلفنا كتير وقلنا
حبنا اكبر دليل
مين يحب التاني اكتر
انتي اكتر؟
وانا اكتر؟

Sponsored Links

0 تعليق