الارشيف / حاجات تانيه

٢٢ كذبة تسعد بيها مراتك في العيد.. "قول لها كل يوم معاكي عيد ياحبيبتي"

اسرار الاسبوع .. السبت 24 يونيو 2017 02:49 مساءً ... في كتير من المناسبات بتكون الست مستنية من جوزها اللي بنسميه "لزوم المناسبة" يعني جمل معينة بهدايا، معينة بسلوك معين، لو معملتش حاجة منهم، يبقى هتبقى أعظم مناسبة نكد في التاريخ، وبما إن العيد الصغير بقى أبو الأعياد، فكان لازم نقف معاه شوية، ونقولك تعمل ايه علشان تبقى "عيدت" على مراتك "كده وكده"

 

Sponsored Links

1-

اصحي الصبح  قبل منها وحضرلها المشروب الي بتحبه شاي او قهوة

2- 

خد دوا القولون و كل من الكحك أو البيتفور الي هي عاملاه !!!

3-

قلها انه حلو جدا واحسن من السنة الي فاتت وانك بقيتي استاذة حلويات يا حبيبتي !!!

4-

استغفر ربنا ع الكدبة دي في سرك

5-

لو في نوع شارينه من برا غريبة او بيتي فور اومامتك أوأختك لاقدر الله بعتهولك مثلا كل منه وقلها مش حلو خالص كحكك انتي احلي بكتير

6-

استغفر ربنا في سرك

7-

أما بقى لو حماتك إلى بعتتلكم كحك أوبيتفور قولها طنط طول عمرها بتقدملي حاجات حلوة كفاية أنها ادتني احلى بسكوتة في الدنيا الي هو انتي يا قمري ولما تروحوا تعيدوا على حماتك كرر البؤين دول قدام حماتك

8 - 

بص مش هينفع تستغفر ع الحتة إلى فاتت دي انصحك احجز عمرة على طول وربنا غفور رحيم 

9-

اديها عيدية!!  هتقولك هو انا صغيرة قلها انتي في نظري علي طول صغيرة

اشكر في لبسها وقلها أنها حلوة وشيك واحلى من الممثلات الصغيرين الجداد

10-

استغفر ربنا تاني في سرك

11-

زعق في العيال لما يلخبطوا البيت المترتب والنضيف وقلهم ماما تعبانة في التنضيف بس لازم يكون قدامها هتفرح جدا

12-

خد بالك الشيطان رجع تاني وهو الي بيقول تسال ليه البيت ميبقاش نضيف كده طول السنة . اوعي تسال

استعيذ بالله من الشيطان الرجيم لان الاجابة معروفة انت وعيالك السبب  !!

13-

لو هتخرجوا  تتغدوا او تتعشوا بره خليها هي تختار المطعم وسيبها تطلب إلى نفسها فيه

14-

لو روحت أثناء إجازة العيد تشتري أي حاجة من السوبر ماركت هاتلها معاك شيكولاتة أو ايس كريم هتفرح قوي

15-

إضحك في وشها واتفرج معاها على التليفزيون بدل ما كل واحد ماسك تليفونه أو أي باده  !! 

16- استخدم برفانك الجديد إلى هي بتحبه وانت واخد رأيها فيه

17-

لو شربت شاي أو قهوة اغسل المج أو الفنجان بعد مع تخلص ورجعه مكانه واعملها معاك مشروب حتى لو هتفتحلها كان بيبيسي هتفرح بالحركتين الاونطة دول

18-

حاول مترميش هدومك ع السرير وعلقهم ع الشماعة ولو مقدرتش لا يكلف الله نفسا إلا وسعها

19-

لو مجبتش هدية قلها أنا كنت عايز اجيلك هدية بمناسبة العيد بس اكتشفت ان كل يوم معاكي عيد جديد وانتي اكبر  وأجمل هدية أنا أخدتها في حياتي

 20-استغفر ربنا جامد قوي المرة دي

21-

حاول متبخلش عليها يعني العيدية بدل 10 خليها 20 جنيه

22-

لما ترجع شغلك بعد العيد أبعتلها رسالة ع الواتس اب أو الفيس بوك قولها وحشتيني جدا ياريت الاجازة ما خلصت

وانت راجع من الشغل بقى لازم  تعدي على حد أهل ثقة من رجال الدين يكون متعاون ومش متشدد يحاول يشوفلك طريقة ممكن تتوب بيها بعد الكذب ده كله... 

------------------------
الخبر : ٢٢ كذبة تسعد بيها مراتك في العيد.. "قول لها كل يوم معاكي عيد ياحبيبتي" .. تخلي جريدة اسرار الاسبوع مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هو موقع : الحكاية

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا