الارشيف / مقالات

فضفضه أنا المهدي المنتظر ... إنت مين ؟! .. بقلم: رضوى ابراهيم

بين الحين والاخر نستمع الي خبر ... شخص يدعي النبوه ... أو انه المهدي المنتظر وان الله

يحدثه... وإنهم أنبياء ويجب إتباعهم... ولا يتوقفون عند ذلك الحد ... بل يصنعون الحجج

Sponsored Links

والبراهين ... وأغلب هؤلاء البشر حافظين للقرآن بالكامل ...وكل شخص منهم يأتي بقصه

مختلفه رغم تتطابق الفكره وهي إدعاء النبوه  ...

ياجماعه خاتم الانبياء هو سيدنا محمد عليه أفضل الصلاه والسلام... لا حياة لمن تنادي ... بلح

... وكان من أخر هذه الأمثلة لمدعي النبوه وانه المهدي المنتظر شخص يدعى أن الله يحدثه

وان الله أبلغه أن خوفوا وخفرع ومنقرع من أهل الكهف ... وان ارض بكه بمنطقه الاهرامات

وتحتها هيكل سليمان  وسدرة المنتهي ... وأكد أنه في حالة رفع ازاله الرمال من أجل العثور

علي هذا المكان وبنائه بيت لله حوائطه من المرمر ومقدم لله حتي تأتي اليه وفود العالم...

طيب والنبي ده كلام يعقل؟! الغريب هنا مش في الشخص اللي قال الكلام ده ... الغريب فعلا

كمية الناس اللي بتصدق الكلام ده ! محدش بياخد الكلام ويعقله ويفكر فيه ؟؟ ... واغلب الناس

اللي مصدقة ومتبعين الاشخاص دي فئه الشباب وفئه الغير متعلمين او اليأسين اللي بيتعلقوا في

اي قشه ان دا نبي من الله وبيده كل الكرامات ويحله مشاكله ... مافيش توعيه ان القرآن موضح

كل شئ ؟ و ان ممكن يكون مدعون النبوه لديهم مرض نفسي ؟ ... او متأمرين مع جهات

أجنبيه ... ماهو لما يقولك هيكل سليمان تحت الاهرامات ده معناه ايه غير انك بتدى رخصة

لدولة زي اسرائيل بدخول بلدك... لما ثقتنا في ديننا تتهز لمجرد وجود أشخاص مدعون للنبوة

... كل ده بيحصل قبل المسيخ الدجال ما ينزل أمال لما ينزل هنعمل ايه يابلد؟! مغيبين!

طيب الشاب المنتمي لداعش وامه بتنصحه ان ده طريق غلط والاسلام مقلش كده فبلغ التنظيم

عن أمه ونفذوا فيها حكم الاعدام قدامه !

صباح الفل ...خير ايه اللي بيحصل.. احنا عندنا فجوه فكر مش عارفين نميز بين الصح والغلط

أو الحلال والحرام .. فيه انحراف غريب بيزيد في المجتمع ياإما انحراف بالإلحاد او انحراف

بالتدين الزائف والاتنين مافهمش خير ... مش موجود عندنا التمييز ...دي كارثه ... الحل فيها

ان الناس اللي فاهمه ولسه عندها حبة تمييز تكثف جهودها في حملات التوعيه سواء علي

مواقع التواصل الاجتماعي او اي وسيله اعلام ... ندوات ... توعيه البيت , الجيران ... يعني

ايه دين وإن ديننا دين وسطي ... وان الانسان المتدين مش انسان عابث الوجه ، معقد ...لازم

نتعاون ...لازم نشغل عقلنا ونعرف ان العضو الذي لا يعمل يضمر وفيه ناس كتير ركنه

عقولهم ، ده دور الناس اللي فاهمه انها توعي الناس اللي مش فاهمه علشان ميجيش اصحاب

النفوس الضعيفه المريضه تستغل الناس اللي مش فاهمين لاغراضهم الدنيئه...

كان في قصه قريتها هي فانتزيا خيال مبنية علي واقع عجبتني عن الخير والشر..  بيقولك ان

الخير والشر كانوا اخوات الخير كان معاه بذره والشر كان معاه فاس اقترح الشر علي الخير

انهم يزرعوا شجره ويحصدوا ثمارها لكن الشر طمع وقتل الخير ودفنه بالبذره اللي معاه

وارتوت البذره بدم الخير, البذره نبتت وبقت شجره كبيره حاول الشر بكل الطرق يخلعها وكل

مره كان بيبقى حاسس انه هينجح ولكنه بيفشل ... الخير و الصح لازم يكسبوا في النهاية بس

علشان يكسبوا محتاجين قوه والقوه بتبدأ بتنوير العقل والتوعيه ومحاولة تقنين الشر ...

الحياة عمرها مابتكون ماشيه علي وتيره واحده لازم يظهر الشر والنفوس الشريره لكن لازم

يتهزموا ومش هيتهزموا غير بالتوعيه والعلم عايز تهزم اي أمة وتحولها لأمة فاشله دمر

عقول شبابها .. يارب نفوق بقي ... ولما حد يقولنا انا المهدي المنتظر انت مين ؟ يكون الرد انا

عبد الله  اللي وصاني اني مصدقش اي فتنه  او اي مريض نفسي او اي شخص ليه اغراض

دنيئة....

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى